Kiek se Kieke

De gezamelikke vastelaovesvereinigingen presentere net wie veurig jaor “kiek se kieke”.

Weej beginne de daag met “kiek se kieke”! De start vingk plaats um kwart veur dreej met verzamele beej De Hamar.

Met eine kleine optoch (prónke) euver de bühne in de Hamar, kenne de Belvendse kinger zich laote kieke aan ut dôrp. Kinger in de laeftied van 6 toet 16 kenne zich opgaeve um heej aan meij te doon. Det ken allein, met zien twië of met ein gruûpke.

Nao ut kiek se kieke is d’r gelaegenheid um op ut podium ein act te doon. Gaef dit beej de aanmelding veur “kiek se kieke” aan!

Laot dien creativiteit de vreeje laup en kom met ein leuk pekske, d’n bólderkiets, versierde fiets of te gekke act naor “kiek se kieke”! Natuurlik zien d’r auch leuke prieze te winnen!

Natuurlik is idderein welkom um nao de kinger te komme kieke!

Opgaeve ken via ozze pagina Kiek se Kieke!

31 januari 2018