Prins Jitse I
Weej, Prins Carnaval 2019, Jitse d’n Ieërste
Beej de grasie en de wiesheid van de Vors en de Raod van Elf
Keuning van Keizer Voetbal beej Belfeldia
Jonkhieër van de Julianasjtraot
Meister van ‘t bergfietse in de Maalbaeker bös
Opperbelhamel op ‘t Valuas college in ‘t Jocusriek
Jongste telg van ‘n authentiek Boerebroedspaar
Hebbe besjlaote en gaeve uch te versjtaon:
Ten 11e Det ich biezónger gruuets bön öm as d’n 62e hoeëgheid de jeug van Belvend veur te meuge gaon
Ten 10e Det, nów d’n tied van lol en plezeer is aangebraoke, weej d’r flink taegenaan gaon
Ten 9e Det d’r mèt dees vastelaovesdaag nemes achter ‘t net vis
Ten 8e Det ‘t ós op Aswoensdaag leid zal doon, det dit allemaol zoeë gauw veurbeej waas
Ten 7e Det kwats verkoupe röstig meug, as geej d’r maar nemes angers pien mei doot
Ten 6e Det weej, allein maar ein sjneetje zien, maar same Dieke Mik
Ten 5e Det weej de vastelaovend hoeëg in ’t vaandel hebbe sjtaon en det zulle oetdrage
Ten 4e Det de ganse jeug van Belvend mei zal doon aan alle festiviteite en die aje èns laote zeen wat vastelaovend viere is
Ten 3e Det weej d’r alles aan doon öm gans Belvend door te laote dreie
Ten 2e Det d’r wir ‘nne groeëte, lange optoch door ’t dörp zal trèkke, met vuuel lachende gezichter en sjoeëne wages
Ten 1e Det weej nog lank en breid lachend aan dees daag truuk zulle dinke
Gegaeve in ‘t Belhamelriek op de veerentwintigste van de twieëde in ‘t jaor twieëdoezend en negetien
